1986ko urtarrilaren 15eko Donostiako tiroketa

1986ko urtarrilaren 15eko Donostiako tiroketa egun horretan Bilbao-Behobia autobidearen parean, Pasaiatik eta Altzatik gertu, izandako tiroketa izan zen. Horren ondorioz, ETA militarreko hiru kide, Alejandro Auzmendi Ilzarbe, Satza ezizenez, Luisma Zabaleta Mendia eta Bakartxo Arzelus, hil ziren Guardia Zibilak egindako tiroen ondorioz. Espainiako Barne Ministerioaren arabera, hiru etakideek Frantziako kamioi bat metrailatu eta gero, Guardia Zibilaren patruila batek hatzeman eta tiroketa hasi zen. Hilketen aurka protesta egiteko, ezker abertzaleko hainbat erakundek greba orokorrerako deia egin zuten Donostian urtarrilaren 17rako.^[1]