Asier Burguete

Asier Burguete
Bizitza
Jaiotzako izen-deiturak	Asier Burguete Rubio
Jaiotza	Irun, 1998ko urtarrilaren 25a (26 urte)
Herrialdea	Gipuzkoa, Euskal Herria
Hezkuntza
Hizkuntzak	euskara gaztelania
Jarduerak
Jarduerak	aktorea eta dantzaria

Asier Burguete Rubio (Irun, Gipuzkoa, 1998ko urtarrilaren 25a) euskal aktore eta dantzaria da, batez ere Goǃazen telesailean hiru denboralditan zehar egindako lanagatik ezaguna, Markel Aranbururen paperean.

Bizitza

Irunen jaioa da, eta gaur egun ere bertan bizi da. 6 urte zituela ballet eskolak jasotzen hasi zen, eta 18 urte berte arte jarraitu zuen horretan.^[1] Balletaz gain beste estilo batzuetan ere aritu da, hala nola garaikidean, jazzean edo euskal dantzetan.^[2] Kontserbatorioko ikaslea da.

2016an Goǃazen telesailerako kasting-era aurkeztu zen eta Markel Aranbururen papera eskuratu zuen. Pertsonaia horren papera egin du telesailaren hiru denboralditan (2016-2019), baita 2017-2018 eta 2018-2019 denboraldietako antzerki musikaletan ere, Goǃazen 4.0 eta Goǃazen 5.0 denboraldietan oinarrituak, hurrenez hurren. Horretaz gain beste saio batzuetan ere parte hartu du, besteak beste Bagoǃaz talent show-ean eta gabon zahar gaueko gala berezietan.

2019ko otsailaren 15ean, bosgarren denboraldiko azken atala emititu baino ordu batzuk lehenago, bere Instagram kontuan telesailari agur esan zion. Bertan Goǃazenen bere ibilbidearen amaiera iritsi zela esan zuen, eta bere pertsonaiari (Markel) zein zaleei eskerrak eman zizkien.^[3] 2020an telesailera itzuli zen, Goǃazen etxean izeneko atal berezietan parte hartuz. Atal horiek amaitu ondoren Goǃazen 7.0 denboraldian berriz ere protagonistetako bat izango zela iragarri zen.

Filmografia

Aktore lanak

Goǃazen (2016-2021). Markel Aranburu Petrikorena (52 atal)
- Goǃazen 3.0 (2016-2017). Markel Aranburu Petrikorena (10 atal)
- Goǃazen 4.0 (2017-2018). Markel Aranburu Petrikorena (13 atal)
- Goǃazen 5.0 (2018-2019). Markel Aranburu Petrikorena (13 atal)
- Goǃazen etxean (2020). Markel Aranburu Petrikorena (3 atal)
- Go!azen 7.0 (2020-2021) Markel Aranburu Petrikorena (13 atal)

Bestelakoak

Bagoǃaz (2017-2018). Coach gonbidatua
- Bagoǃaz 1.0 (2017). Coach gonbidatua
- Bagoǃaz 2.0 (2018). Coach gonbidatua
Goǃazen 2018 gabon zahar gaueko saio berezia (2017)
Goǃazen 2019 gabon zahar gaueko saio berezia (2018)
Goǃazen 2020 gabon zahar gaueko saio berezia (2019)

Erreferentziak

↑ (Gaztelaniaz) ««Estrenamos la serie con alfombra roja, ¡hasta me pidieron autógrafos!»» El Diario Vasco 2018-02-04 (Noiz kontsultatua: 2019-01-14).
↑ (Gaztelaniaz) «Asier Burguete» Gosua Management (Noiz kontsultatua: 2019-01-14).
↑ Burguete, Asier. (2019-02-15). «“ESKERRIK ASKO MARKEL • Ba bai hementxe bukatu da gure abentura lagun. Nork esango zigun duela hiru urte hain ederra izango zela gure ibilbidea. Jende ederra ezagutu dugu, momentu itzelak pasa ditugu bai telebistan eta baita antzerkian ere. Baina eskerrrik asko zuri Markel. Hain alaia izateagatik, jendea den bezelakoa izaten onartzeagatik ( hasieran kostatu izan arren ) eta lagunen lagun izateagatik. Etapa polit eta gogorrak pasa ditugu elkarrekin eta harro esan dezaket nire lagunik onena izan zarela azken urte hauetan. MAITE ZAITUT lagun, ez zaitut inoiz ahaztuko. Eta noski, MILA MILA ESKER ZUEI!! Egunero egunero Markelen tontakeriak aguantatzeagatik eta hainbeste maitatzeagatik, hoberenak zarete. Gogoratu RELAXXXX eta jarraitu bizitzaz gozatzen. Ikusi arte! Sinatuta ; Asier Burguete”» Instagram (Noiz kontsultatua: 2019-02-16).