Baroskopio

Baroskopioa Arkimedesen printzipioa gasetan ere betetzen dela frogatzen duen tresna da, Otto von Guerickek asmatua. Balantza txikia da, beso batean berunezko esfera txiki bat du eta bestean aldiz, kobrezko esfera bat, barrutik hutsa eta aurrekoa baino handiagoa. Balantza orekan dago airean, baina hutsunea egiten denean balantza desorekatu egiten da.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2016-09-06 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.