Bayudako basamortua

Bayudako basamortua

Mota	mendikate
Geografia

Koordenatuak	18°N 33°E / 18°N 33°E / 18; 33

Bayudako basamortua (arabieraz: صحراء بيوضة‎) Sudango basamortu bat da, Khartumdik iparraldera dagoena. Bere iparraldean dagoen Nubiako basamortuarekin batera, Saharako basamortuaren ekialdeko zatia da. Mendebaldean Muqaddam uadiak mugatzen du, eta, iparraldean, ekialdean eta hegoaldean, Niloren meandro handiak, 4. eta 6. ur-jauzien artean sortzen dena. Hegoaldetik iparraldera doan Abu Dom uadiak Bayudako basamortua ekialdeko eremu bolkanikoaren eta mendebaldeko hareazko dunen artean banatzen du.

Historia

Meroear Erresumaren garaian, ibilbide batek, Meroe eta Napata hiriak, Bayudako basamortuan zehar komunikatzen zituen. Nastasen erregeak, hilarri batean, bere koroatzea zela eta hiri hauen arteko bide honetatik nola mugitu zen azaldu zuen.^[1]

Izen bereko oasi bat dago basamortuaren erdian, Nilotik 50 kilometro ingurura (ipar-mendebaldean).