Burlington Arcade

Burlington Arcade
Ondasun Ingelesa
Egunez Gauez Irudi gehiago
Kokapena



Estatu burujabe	Erresuma Batua

Herrialdea	Ingalaterra

Ingalaterrako eskualdea	Londresko eskualdea

Ingalaterrako konderri zeremoniala	Londres Handia

Londresen banaketa administratiboa	Westminster Hiria

Koordenatuak	51°30′33″N 0°08′25″W / 51.509139°N 0.140306°W / 51.509139; -0.140306

Historia eta erabilera

Irekiera	1819ko martxoaren 20a
Inaugurazioa	1819ko martxoaren 20a

Arkitektura
Arkitektoa	Samuel Ware ^(en) Arthur Beresford Pite ^(en)
Estiloa	Georgian architecture ^(en) Art Nouveaua
Ondarea
Ondare Ingelesa	1066338
Webgune ofiziala

Burlington Arcade Londresen dagoen saltoki gunea da, Piccadillytik Burlington Gardensenaino, Bond Street atzealdean. XIX. mende erdian irekita, Europako gaur egungo saltoki handien aurrekaria izan zen. Burlington Arcade " luxuzko bitxiak eta moda artikuluen salmentarako" sortu zen, "publikoari pozbidea emateko". Egun irekita dago oraindik.

Historia

Saltokia George Cavendish-ek, William Cavendish, Devonshireko 5. Dukea zen Guillermo Cavendishn-en anaia txikiak ireki zuen. Georgesek Burlington House oinordetzan jaso zuen, bertako lorategian saltokia kokatu zuen. Diseinatzailea Samuel Ware izan zen eta 1819ko martxoaren 20an inauguratu zen. Gero etorriko ziren saltoki askoren eredua izan zen: Bruselako Galeries Royales Saint-Hubert, San Petersburgoko The Passage, Milango Galleria Vittorio Emanuele II eta Napoliko Galleria Umberto I. Arrakasta handia izan zuen, beraz.^[1]

2012an, The Telegraph egunkariak saltokia Meyer Bergman enpresaren eskuetan dago. Enpresa hau, jatorriz, herbeheretarra da.^[2]

Estiloa

Fatxada oso apainduta erakusten du, Viktoriar Aroko manierismo estilokoa. Fatxada hori XX. mendearen hasieran eraiki zen.

Egitura

Saltokia korridore luze bat da, sabaitik argituta, eta bi solairuekin. Bi solairutan negozioak kokatzeko 72 hutsune zituen. Denborarekin horietako batzuk espazio bat baino gehiago erabili dute eta, ondorioz, gaur egun 40 denda dira. Nonnahi luxua da nagusi eta mota askotakoak: bitxidendak, zapatadendak, zaharkinen salmenta, artea. Dena dela, ospe gehiago eman diotena zilarra zaharraren saltzaileak izan dira.

Saltokia oinezkoentzako da eta oso dotore diren erakusleihoak dituzte, guztiak estilo berekoak. Saltokia zaintzeko berezko zaintzaileak daude; haien uniformea tradizionala da: kapela luzea eta lebita. Jatorrizko zaindariak Lord George Cavendishen erregimentuko soldaduak ziren, 10. Royal Husars, alegia.

Lapurreta

1964an Jaguar Mark X automobil bat saltoki barruan sartu zen. Oinezkoak ihes egin zuten eta, bitartean, atrakatzaileek Goldsmiths and Silversmiths Association dendaren erakusleihoa puskatu zuten 35 000 libera esterlina eramanez. Lapurrak inoiz ez dira harrapatuak izan.^[3]

Egungo kulturan

Gilbert & Sullivanen Patience operetan saltokiaren zaintzailea agertzen da.
Danimarkako telebistak ekoiztutako Borgen telesailaren lehenengo gertaldia hemen grabatu zen.
The Veiled Lady (1990), Agatha Christieren eleberri baten bertsioa, hemen filmatu zen.

Iruditegia

Burlington Arcade 18919an.
Barruko ikuspegia.
Erakusleiho guztiak estilo berekoak dira. Eskuinean, zaintzaile bat.
Kanpotik ikusita.
Argia sabaitik sartzen da.

Erreferentziak

↑ Johann F. Geist, 1982. Arcades: The History of a Building Type (MIT Press) ISBN 0-262-07082-0
↑ https://www.thetelegraphandargus.co.uk/news/localbrad/9995989.The_giant_company_that_has_invested_billions_across_Europe/
↑ https://londonist.com/london/secret/secrets-of-burlington-arcade