Eduardo Frei Ruiz-Tagle

Eduardo Frei Ruiz-Tagle
(2009) Irudi gehiago
Txileko senataria 2006ko martxoaren 11 - 2014ko martxoaren 11 ← Gabriel Valdés Subercaseaux (en) Txileko senatuko presidentea 2006ko martxoaren 11 - 2008ko martxoaren 11 - Adolfo Zaldívar (en) → biziarteko senatari 2000ko martxoaren 21a - 2006ko martxoaren 11 Txileko senataria 2000ko martxoaren 11 - 2006ko martxoaren 11 33. Txileko lehendakaria 1994ko martxoaren 11 - 2000ko martxoaren 11 ← Patricio Aylwin - Ricardo Lagos → Txileko senataria 1990eko martxoaren 11 - 1994ko martxoaren 11 ← Gabriel Valdés Subercaseaux (en)
Bizitza
Jaiotza	Santiago, 1942ko ekainaren 24a (81 urte)
Herrialdea	Txile  Suitza
Familia
Aita	Eduardo Frei Montalva
Ama	María Ruiz-Tagle
Ezkontidea(k)	Marta Larraechea
Anai-arrebak	ikusi Carmen Frei (en)
Leinua	Frei family (en)
Hezkuntza
Heziketa	Txileko Unibertsitatea : Ingeniaritza hidrauliko Instituto de Humanidades "Luis Campino" (en) high school diploma (en)
Hizkuntzak	gaztelania
Jarduerak
Jarduerak	ingeniari zibila eta politikaria
Jasotako sariak	ikusi Grand Order of King Tomislav Elisabet Katolikoaren Ordenaren lepokoa  (1995) Lagun Onari  (1998) Royal Order of the Seraphim Knight Grand Cross with Collar of the Order of Merit of the Italian Republic Grand Cross of the Order of Merit of the Republic of Poland Commander of the Order of the Sun of Peru‎ Order of Prince Yaroslav the Wise, 1st class Order of the Crown of the Realm Order of Sikatuna Grand Order of Mugunghwa Grand Cross with Collar of the Order of the White Rose of Finland  (1997ko otsailaren 20a)
Sinesmenak eta ideologia
Alderdi politikoa	Alderdi kristau-demokrata

Eduardo Frei Ruiz-Tagle (Santiago de Chile, Txile, 1942) politikaria da, Txileko lehendakari izandako Eduardo Frei Montalvaren semea. Txileko lehendakari izan zen 1994-2000 urte-bitartean.

Bizitza

Ingeniaritza-ikasketak egin zituen Txileko Unibertsitatean. 1958an hasi zuen bere karrera politikoa, Txileko Alderdi Kristau Demokratako kide gisa, eta hurrengo urteetan aitari lagundu zion lehendakaritzarako kanpaina prestatzen. 1969tik aurrera, eraikuntzan hasi zen lanean ingeniari gisa, Sigdo Koppers S.A. enpresan.

1985ean, aita hil eta hiru urtera, berriro politikan hasteko asmoa azaldu zuen, aitak bukatu gabe utzitakoa burutzeko. Hauteskunde Libreak batzordearen sortzaile eta bultzatzaileetako bat izan zen, Augusto Pinochet jeneralaren diktaduraren kontrako borrokan. 1989an senatari hautatu zuten, eta hiru urte geroago bere alderdiko lehendakaritza hartu zuen.

1993ko maiatzean, Txileko Demokraziaren Aldeko Alderdi Itunaren lehendakaritzarako hautagai izendatu zuten, eta abenduko 14an, Errepublikako lehendakari, bere alderdikide Patricio Aylwinen ordez. Alderdi Itunaren barruko eztabaidak gorabehera, ekonomiaren goraldiak boterean eutsi zion koalizioari, baina arazo politiko larriei egin behar izan zien aurre, armadak eragindakoei batez ere. Nahiz eta 1997ko hauteskundeetan Demokraziaren Aldeko Alderdi Itunak (Alderdi Sozialista, Demokraziaren Aldeko Alderdia, Alderdi Erradikal Sozialdemokrata, eta Freireren Alderdi Kristau Demokrata) gehiengoa lortu zuen diputatuen kongresuan, Txileren Aldeko Batasuna eskuindarrak bere aulki-kopurua gehitzea lortu zuen, senatuan batez ere, eta konstituzioan erreforma demokratikoak sartzeko aukera alferrik galdu zen. 1998ko urtarrilean, Pinochetek armadan erretiroa hartzeak eta biziarteko senatari bihurtzeak sortu zuen krisi politikoaren erdian, Freik kargutik kendu zuen Defentsa ministroa, Edmundo Pérez Yoma, diktadore ohiarengandik gertu zegoelakoan. 2000. urteko martxoan Ricardo Lagosek hartu zuen presidente-kargua Freiren ordez.

2000tik 2006ra bitartean, biziarteko senatari gisa jardun zuen. 2006ko martxotik aurrera, Los Ríos barrutia ordezkatuz senatari-kargua du.

Kanpo estekak

Wikimedia Commonsen badira fitxategi gehiago, gai hau dutenak: Eduardo Frei Ruiz-Tagle

• (Gaztelaniaz) Eduardo Frei Montalva fundazioaren web-orria

Erreferentziak

• Datuak: Q326
• Multimedia: Eduardo Frei Ruiz-Tagle / Q326