Garazi Arrula

Garazi Arrula
Bizitza
Jaiotza	Tafalla, 1987 (36/37 urte)
Herrialdea	Nafarroa Garaia, Euskal Herria
Hezkuntza
Hizkuntzak	euskara gaztelania frantsesa ingelesa
Jarduerak
Jarduerak	itzultzailea eta idazlea
Jasotako sariak	ikusi Ikergazte saria  (2017)

Garazi Arrula Ruiz (Tafalla, Nafarroa, 1987) nafar itzultzailea, editorea eta idazlea da.

Magisteritzan diplomaduna eta Itzulpengintzan eta Interpretazioan lizentziaduna da. Doktore-tesia aurkeztu zuen 2018an: Autoitzulpenaren teoria eta praktika Euskal Herrian.^[1] Gaur egun, editore dihardu, Txalaparta argitaletxean^[2].

Elearazi blogaren sortzailea izan zen Danele Sarriugarterekin batera. "Itzulpena, hausnarketa eta sorkuntza" ziren blogaren ardatzak.^[3]

Hainbat lan ekarri ditu euskarara^[4], eta haur eta gazte literaturako Bidean lana eta Gu orduko hauek ipuin-liburua argitaratu ditu. Halaber, zutabegile aritu da Berrian.^[5]

23. KORRIKAn, Garazi Arrula Ruizek plazaratu du lekukoaren barnean iritsitako testua Baionako Herriko Etxearen parean, Irundik atera eta 11 egunetara; mezu gogoangarriak azpimarratu du “KORRIKA dela herri bat gose: euskaraz harro bizitzeko gosea”; eta herri horrek ez duela euskararekiko “kontingentzia planik” nahi; baizik eta “egiazko trantsizioa”.^{[6][7][8][9][10]}

Liburuak

Ipuinak

• Lurraz beste (2023, Txalaparta, ISBN 9788419319326)^[11]
• Gu orduko hauek (2017, Txalaparta, ISBN 9788417065171)

Haur eta gazte literatura

• Bidean (2018, ISBN 9788416791828). Ilustratzailea: Helena Azkarragaurizar.

Itzulpenak

Narratiba

• Amélie Nothomb: Hodien metafisika (2017, Igela, ISBN 9788494620713).
• F. Scott Fitzgerald: Plazeraren gau ilunekoak (2014, Elkar, ISBN 9788490272343). Iñigo Roquerekin batera itzulia.
• Anaïs Nin: Venusen delta (2013, Txalaparta, ISBN 9788415313465).
• Sylvia Plath: Beirazko kanpaia (2022, Txalaparta, ISBN 9788418252860).^[12][13]

Poesia

• Idea Vilariño: Poesia kaiera (2019, Susa, ISBN 9788417051280).

Saiakera

• Walter Benjamin: Literatura oharrak (2015, Sans Soleil, ISBN 9788494448416). Maialen Berasategi, Gaizko Urturi Aldama eta Mikel Igartuarekin batera itzulia.

Haur eta gazte literatura

• David Barrow: Ikusi duzu Elefante? (2020, Txalaparta, Txo! bilduma, ISBN 9788418252136).
• Oliver Jeffers: Hona gu hemen: Lur planetan bizitzeko oharrak (2020, Txalaparta, Txo! bilduma, ISBN 9788417065911).
• Tim Bowley: Jakes eta Herio (2019, Txalaparta; OQO, ISBN 9788417065706).
• Ruby Ann Phillips: Handia eta boteretsua (2015, Desclée de Brouwer, ISBN 9788433028150).
• Ruby Ann Phillips: Ametsetako urtebetetzea (2015, Desclée de Brouwer, ISBN 9788433028143).
• Linda Chapman eta Lee Weatherly: Iratxoen erregea (2014, Desclée de Brouwer, ISBN 9788433027238).
• Linda Chapman eta Lee Weatherly: Zingiretako gaizkinak (2014, Desclée de Brouwer, ISBN 9788433027245).

Artikuluak aldizkari akademikoetan

Jakin, Senez eta Hegats aldizkarietan hainbat artikulu argitaratu ditu itzulpengintzaz eta euskal kulturaz, besteak beste, hauek:

• Zerrendero batekin solasean (JAKIN, 2020) Argitalpenak, Bibliografia, Soziologia.
• Euskal Kultura 2014 ( JAKIN,2014) Beste hauekin batera idatzita: Danele Sarriugarte, Nora Arbelbide, Alberto Barandiaran, Haizea Barcenilla Koldo Almandoz, Antton Iturbe, Iñaki Etxeleku, eta Iñigo Astiz.
• Erdaraz, mesedez: autoitzulpen literarioa Euskal Herrian. Ikuspegi orokor bat (SENEZ 2017)
• Pinterren Maitalea galdezka (SENEZ, 2014) Antzerkiaz
• "Ipuinak gauza serioa dira" (HEGATS, 2018) Literatur kritika, Oratoria, Euskara
• Itzulpenaren Itzal-Argiak Garazi Arrula eta Iñigo Roquerekin (HEGATS, 2016) Xabier Mendiguren Elizegi eta Iñigo Roque Eguzkitza-rekin tzulpengintzaz.

Erreferentziak

Kanpo estekak

• Garazi Arrularen artikuluak, Berria egunkarian.
• Garazi Arrularen artikuluak, Elearazi blogean.

• Datuak: Q51690280