Jaurtiketa libre (futbola)

Artikulu hau futboleko arauari buruzkoa da; beste esanahietarako, ikus «jaurtiketa libre».

Jaurtiketa libre edo kolpe franko baloia geldirik dagoela egiten den pasea, jaurtiketa edo tiroa da, kontrako taldeak egindako faltaren bat dela medio arbitroak talde baten alde seinalatu duena.^[1] Bi motakoa izan daiteke:

Zuzena, zuzenean gol izan daitekeen jaurtiketa librea, baloia falta hori jaurti duen jokalariak bakarrik ukituz eta ez beste inork.^[2]
Ez-zuzena, gol izateko, falta jaurtitzen duen jokalariaz gain baloia beste jokalari batek ere ukitu behar duen jaurtiketa librea.^[3]