Néouvielleko Natura-Erreserba

Néouvielleko Natura-Erreserba
Réserve naturelle du Néouvielle
Néouvielle Tontorra (3 091 m) eta Aumar aintzira
Néouvielleko Natura-Erreserba
Azalera	23,13 km2
Izendapena	Natura-erreserba
Eraketa	1969ko otsailaren 26a

Néouvielleko Natura-Erreserba Pirinioetako eremu bat da; 2.113 ha-ko hedadura du eta 1.800-3.091 metroko altuera. Batez ere bertako aintzira eta urmael ugariengatik da ezaguna. Fauna eta flora benetan aberatsa du. Esaterako, Néouvielleko uretan 570 alga espezie izendatu dituzte. Animaliei dagokienean 370 bat espezie bizi dira bertan: sarrioak, sai arreak, basoilarrak, arrano beltzak...

Geografia

Okzitanian, Pirinio Garaiak departamenduan dago Néouvielle, Erdialdeko Pirinioak eskualdean, Saint-Lary-Soulan eta Barèges herrien inguruetan, Néouvielleko mendigunean. Alboan, Pirinioetako Parke Nazionala du.

Historia

1936n izendatu zuten natura-erreserba Chouard irakaslearen lanari esker, hein handi batean. Okzitaniako lehenengotariko natur erreserba izan zen.

1882az geroztik, urtegi eta uharka ugari eraiki dira bertan Pragnères eta Saint-Lary-Soulan herrietako zentral hidroelektrikoak elikatzeko: (Aubert, Aumar, Cap-de-long, Oredon eta abar.

Kanpo estekak

(Frantsesez) Pirinio Garaietako Kontseilu Orokorraren webgunean Néouvielleri buruz dagoen informazioa^{[Betiko hautsitako esteka]}.
(Frantsesez) Piriniozaleen webgune bat.
(Frantsesez) Natura 2000 programa, Néouvielle.