René Magritte

René Magritte
Irudi gehiago
Bizitza
Jaiotza	Lessines, 1898ko azaroaren 21a
Herrialdea	Belgika
Bizilekua	René Magritte House (en)
Talde etnikoa	Waloniarra
Lehen hizkuntza	frantsesa
Heriotza	Schaerbeek, 1967ko abuztuaren 15a (68 urte)
Hobiratze lekua	Schaerbeek Cemetery (en)
Heriotza modua	berezko heriotza: pankreako minbizia
Familia
Ezkontidea(k)	Georgette Berger (en)  (1922ko ekainaren 28a -
Bikotekidea(k)	ikusi Sheila Legge (en)
Anai-arrebak	ikusi Paul Magritte
Hezkuntza
Heziketa	Académie royale des Beaux-Arts (en)
Hizkuntzak	frantsesa hungariera
Jarduerak
Jarduerak	margolaria, ilustratzailea, marrazkilaria, argazkilaria, grabatzailea, zinemagilea, eskultorea, arkitektura proiektuen marrazkilaria, collagist (en) , artista grafikoa eta artista bisuala
Lantokia(k)	Brusela Carcasona Paris eta Londres
Lan nabarmenak	ikusi The Treachery of Images (en) The Mysteries of the Horizon (en) Golconda (en) The lovers (en) The Empire of Lights (en) The Son of Man (en) The Human Condition (en) Not to be Reproduced (en) The Menaced Assassin (en) The Meaning of Night (en) The Empty Mask (en) The Portrait (en) Time Transfixed (en) The Seducer (en) The Sixteenth of September (en) The Telescope (en)
Influentziak	Jeronimo Bosch, Giorgio de Chirico, Max Ernst eta André Breton
Mugimendua	Belgian surrealism (en)
Izengoitia(k)	Emair
Genero artistikoa	animal art (en) figure (en) paisaia margolaritza biluzia erretratua hiri-paisaia izadi hila interior view (en) surrealismoa
Sinesmenak eta ideologia
Alderdi politikoa	Belgikako Alderdi Komunista

René Magritte (Lessen, Belgika, 1898ko azaroaren 21a - Schaerbeek,Brusela-Hiriburua_eskualdean Belgika, 1967ko abuztuaren 15a) belgikar margolaria izan zen; surrealismoak izan duen margolari ezagunenetakoa.

Biografia

Leopold Magritte merkatari eta Regina (Bertinchamps jaioa) senar-emateak izan zituzten hiru semeetatik zaharrena izan zen. René Magrittek Chateleteko lehen mailako eskolara joan zen; bigarren mailako ikasketen zikloa hastean, pintura ikastaro bat egin zuen 1910ean, Félicien Defoin (1869-1940) artistaren tailerrean. Fantomas pertsonaiaren zale amorratua izan zen. Charleroiko Erakusketa Unibertsalean, zinema deskubritu zuen, filmen kartelek txundituta utzi zuten, baina baita iragarkiek eta argazkiek ere. Bere amak, Reginak, depresio handiak zituen eta azkenean bere buruaz beste egin zuen Sambre ibaian itota 1912ko martxoaren 12an. Hurrengo urtean familia Charleroin finkatu zen. Aitak haurren hezkuntza Jeanne Verdeyen etxe-irakasle baten esku utzi zuen ondoren, eta 1928an Léopold Magritte harekin ezkondu zen. 1915eko urrian ikasketak utzi eta Bruselara joan zen bizitzera, Rue du Midin, Arte Ederren Akademiatik ez oso urrun, han ikasle libre gisa klaseetara joateko asmoa baitzuen. Sartu aurretik, estilo inpresionistako koadroak margotzen ditu. Arte formakuntza han gauzatu zuen. Hogeigarren hamarkadan hasi zen bere lanen erakusketak egiten. 1927-1929 bitartean Paris ingurura bizitzera joan zen. Hiru urte horietan, artista surrealisten taldearen jardueretan parte hartu zuen (batez ere, Éluard, Breton, Arp, Miró eta Dalírekin lotzen da). Parisko surrealismoari ilusionismoaren berpiztea ekartzen dio. Dalík ez bezala, Magrittek ez du pintura erabiltzen bere obsesio pribatuak edo fantasiak adierazteko, baizik eta zorroztasunez, ironiaz eta eztabaida-izpirituz adierazpenak egiten ditu. 1930an Belgikra itzuli zen, polemiketatik urrunduta. Hirurogeita zortzi urterekin hil egin zen bere etxean Schaerbeek hirian, non lurperatua dagoen, bere emaztea zen Georgette ondoan.

Lanak

Magritten hasierako lanetan kubismoaren eta fauvismoaren eragina nabarmena bazen ere, 1925. urtetik aurrera surrealismo aldera egin zuen, De Chirico italiar margolaria izan baitzuen eragile.

1940. urte aldera "neoinpresionismo"aren teknikak landu zituen, irudikatze-mota zehatza eta erabat arrunta erabili zuen, sarritan garai batean lanbidetzat zuen paper pintatuen diseinua gogorarazten duena. Etengabe eta are lekuz kanpo ere errepikatzen dira Magritteren obran zehar ezaugarri diren zenbait irudi: airean egoten diren harkaitz handiak, oinetako behatzdunak zein trajez eta kapeluaz jantziriko gizonak. Gauzaki errealez eta irudimenezkoez osaturiko koadroak margotu zituen; haren irudimen aberatsagatik zein efektuak erabiltzeko erraztasunagatik, eta halaber koadroetan erakusten zuen umoreagatik ere, surrealismoak izan duen pintore naturalen eta oparoentzat hartzen da Magritte.

Haren obren artean aipagarri dira: Golconda (1953), Pirinoetako gaztelua (1959) eta Argien inperioa (195?) besteak beste.

Erreferentziak

Kanpo estekak

• Magritte Fundazioa Fundazioa eta lanen autentifikazio batzordea, Bruselan
• Magritte Museoa Shaerbeek hirian

• Datuak: Q7836
• Multimedia: René Magritte / Q7836