Roman Vishniac

Roman Vishniac
Irudi gehiago
Bizitza
Jaiotza	Pavlovsk (en) , 1897ko abuztuaren 19a
Herrialdea	Errusiar Inperioa  Letonia  Ameriketako Estatu Batuak
Heriotza	New York, 1990eko urtarrilaren 22a (92 urte)
Familia
Seme-alabak	ikusi Wolf V. Vishniac (en)
Hezkuntza
Heziketa	Berlingo Humboldt Unibertsitatea
Hizkuntzak	ingelesa errusiera
Jarduerak
Jarduerak	zoologoa, argazkilaria, arte-historialaria, unibertsitateko irakaslea eta biologoa
Enplegatzailea(k)	Case Western Reserve University (en) Pratt Institute (en) New York Hiriko Unibertsitatea Yeshiva University (en)

Roman Vishniac (Pavlavsk, Errusiar Inperioa, 1897ko abuztuaren 19a - New York, Ameriketako Estatu Batuak, 1990eko urtarrilaren 22a) argazkilaria izan zen. Jatorriz errusiarra, estatubatuar hiritartasuna hartu zuen. Judua zen, eta bere argazkietan Erdialdeko Europako juduen oroimena gorde zuelako Elie Wieselek memoriaren poeta ezizena ipini zion.

Bizitza

Biologia eta Medikuntza ikasi zituen Moskun, baina Errusiar Iraultza hasi zenean Berlina ihes egin zuen. Han antisemitismoarekin egin zuen topo, eta ezin izan zuen doktoregoa bukatu. Susmatzen zuen zer zetorren, eta 1935-1939 bitartean Hungariako, Lituaniako, Poloniako eta Txekoslovakiako judu-komunitateen argazkiak atera zituen. Argazki-kamera ezkutatu behar zuen, juduek ez baitzuten gustuko argazkietan ateratzea. Azkenik, 14.000 argazki lortu zituen, komunitate osoaren lekuko: lanbideak, kaleko erakustaldiak, ikasketa-aretoak, hasidimak, errabinoak, juduen hainbat ikuspegi, gaur egun desagertuak.

Bigarren Mundu Gerra hastean Estatu Batuetara joan zen, eta 1946an hango hiritartasuna hartu zuen. Zientziaren bidetik jo zuen, eta mikroargazkigintza landu zuen.

Erreferentziak

Wikimedia Commonsen badira fitxategi gehiago, gai hau dutenak: Roman Vishniac

• Datuak: Q464614
• Multimedia: Roman Vishniac / Q464614